Betico Ride cu un acogida amplio di hende muhe

Ayera mainta riba Dia di Betico un grupo di persona cu ta core motorcycle riba nos isla a reuni pa haci un recorido rond di Aruba. E asina yama Betico Ride cual ta pasa un bes pa aña ta mirando un interes cada biaha mas grandi pa hende muhe interesa den e deporte di core motorcycle.

E evento cu tabata conoci anteriormente como Aruba International Bike Week a tuma luga a aña aki riba Dia di Betico, cargando e nomber di Betico Ride. Aunke tradicionalmente por mira e deporte aki como uno exclusivo pa hende masculino, awendia tin hopi hende muhe cu ta disfruta di practica coremento di motorcycle mes hopi cu e hende masculino. Loke nos a nota na Citgo Savaneta ta cu un grupo creciente di hende muhe ta no solamente sinta tras di hende homber pero ta tumando e stuur den propio man.

Micherline Anglade, kende ta core motorcycle pa algun tempo caba ta conta Bon Dia Aruba con e ta sinti su mes ‘fantastico, fabuloso y na mando’ ora e ta dilanti stuur riba un vehiculo di 2 wiel. Sra. Anglade a bisa cu e manera con ta sinti ora ta core tras di otro persona como pasahero ta algo completamente diferente na tin man riba stuur. Ta e mesun sintimento aki pa basta tempo a stop e di tuma stap na conduci riba su mes.

Aunke sra. Anglade ta reconoce cu tin un pensamento cu ta reina di mira hende muhe como mas debil como hende homber, esaki pe nunca a stop e di haci cosnan cu tradicionalmente ta wordo mira como masculino. ‘E sintimento pa sa cu bo ta e maestro di bo mesun motorcycle ta algo cu ta podera mi hopi’.

Pa loke ta trata core mes, sra. Anglade a expresa cu e ta sinti su mes hopi liber y sin ningun presion externo ora di core. “Bo ta laga bay di e tension di bida pa un rato. P’esey pa tin e evento aki ta algo cu semper ta haci mi contento. No solamente pa wak yen motorcycle, pero tambe pa por mira cu hende muhe mescos cu hende homber ta disfrutando di nan libertad”.

‘Na Aruba tin hopi motociclista hende muhe’

E motociclista a expresa cu den su experiencia tin hopi motociclista femenino. “Hende muhe ta taking over! Riba Aruba mi ta wak hopi hende muhe cu ta practica e deporte.”

Sra. Anglade ta contento y ta sinti su mes inspira cu mas y mas hende muhe ta desafia nan mes pa tuma parti den actividadnan cu normalmente ta domina pa mundo masculino.

Pa e motociclista tambe ta importante pa hende muhe desafia nocionnan den sociedad pa loke ta trata kico ta posibel pa un hende muhe haci y kico e no mag di haci. Pues por medio di hende muhe podera nan mes tambe ta un manera cu por desafia stereotipo.

 

You May Also Like

corte.jpg

Sentencia caso taxista atraca y tira den cara

E homber R.A.G. a wordo atraca violentamente pa un grupo di siete persona riba ...

Tropical Storm Watch pa tormenta Bret

Comunidad di Aruba mester ta prepara pa e efectonan di un tormenta tropical Bret ...

Polis civil tira den pia na Savaneta

SAVANETA – Un polis cu no tabata den funcion, a wordo tira momento cu ...

‘Neighborhood Watch’ a cuminsa haya un bida di su mes na Aruba

Den luna di februari polis a detene algun sospechoso na Wayaca cu no tabata ...

ATA: Resultadonan di e ‘Restaurant Gap Analysis’

Aruba Tourism Authority conhuntamente cu varios socionan den gobierno, sector priva, NGO’s y e ...

DSC_0690.jpg

Auto a sali dilanti otro altura di Maria College y un persona a keda herida

Diahuebs atardi na e crusada di Van Leeuwenhoekstraat y Dominicanessenstraat altura di Maria College ...