(AP) – Cu seleccion di Hurado menos di 1 siman leu, abogadonan ta buscando manera di lidia cu evidencia pa un huicio civil di Bill Cosby tocante acusacion cu el a sexualmente asalta un mucha muhe na un mansion di Playboy mas di 50 aña atras.

E victima, Judy Huth a bisa den un documento recien cu e ta kere cu e asalto a tuma luga den aña 19755 tempo cu e tabatin 16 aña di edad, y no den aña 1974 tempo cu e tabatin 15 aña manera cu el a bisa anteriormente, causando cu e abogadonan a cuminsa haci peticion pa retira e caso den contra di Cosby, ken ta bisa cu e cambio ta bolter nan defensa.

“E no ta husto,” Cosby su abogado Jennifer Bonjean a bisa fuera di corte. “Esaki ta ser yama huicio cu presion.”

Los Angeles County superior Court Judge Craig Karlan a no a duna ningun indicacion cu e tin plan di retira e caso di 8 aña prome cu e huicio cual e ta determina di mira riba dialuna.

Cosby, ken tin 85 aña di edad no lo presenta na ningun di e huicionan. E caso a tuma un importancia nobo siendo un di e tiki accionnan legal den su contra despues cu e corte mas halto di Pennsylvania a deshaci di su conviccion criminal pa asalto sexual y a libera su persona for di prizon, y varios otro demanda den su contra a yega un acuerdo contra di su bolunted via di su seguro.

Huth su abogadonan a bisa cu e cambio den su storia a bini despues cu nan a investiga evidencia cu a determina e fecha den cual Cosby tabata grabando e pelicula “Let’s Do It Again” na Los Angeles, cual ta unda Hutch ta bisa e dos nan a conoce otro prome cu el a hiba su persona e mansion.

E evidencia ta inclui un fotografia cu fecha riba dje unda cu Cosby tabatin un tuxedo y barba, cual ta e manera exacto como Huth ta corda su persona. E cambio a keda revela den un declaracion cu tabata mara na un exhibicion. Pero Bonjean a bisa cu e mester a ricibi un notificacion directo di esaki.

Cosby su abogadonan a bisa cu nan a crea mayoria di nan defensa pa e huicio rond di e tempo cu Cosby a bishita e mansion, incluyendo hopi trabao pa establece unda Cosby tabata durante e tempo aki, y basando nan preguntanan plania pa Huth ora cu e subi e podium rond di su version di e storia y e tempo cu el a declara.

Huth su demanda ta acusa Cosby di a forsa su persona conduci un acto sexual den un camber di e mansion Playboy, funda pa Hugh Hefner.

LEAVE A REPLY

Please enter your comment!
Please enter your name here