(TMZ) – Bill Skarsgård a keda aresta na Suecia pa posesion di marihuana, TMZ a haya sa. Fuentenan di autoridad a conta TMZ cu e actor di 33 aña a ser aresta den october pa posesion di 2.43 gram di cannabis na Arlanda Airport na Stockholm y a keda condena diaranson.
Aparentemente Bill a ricibi ordo di paga un boet di 40,00 krona, cual ta aproximadamente 3,825 dollar y no lo tin cu cumpli sentencia den prizon ni libertad condicional, cual ta nifica cu manera cu su persona paga e boet tur cos lo keda soluciona y laga atras.
Aparentemente e actor a declara su mes culpabel y a entrega e documentonan necesario na corte, cual e hues a usa pa dicta sentencia di acuerdo na esaki.
Bill, ken ta conoci pa su rolnan den Stephen King su peliculanan hit“It” y “Atomic Blonde” conhuntamente cu otro peliculanan y programanan di television conoci, ta un realesa di actuacion na Suecia cu su tata Stellan y rumannan homber Alexander, Gustaf, Valter, Ossian y Kolbjorn kendenan tambe ta actornan activo den e industria y conoci tambe pa nan rol den varios pelicula conoci.
