(TMZ) – Billie Eilish lo ta e presentacion principal na Coachella e aña aki, haciendo su persona e di dos di 3 gran celebridad, y un gran pregunta ta e status di Travis Scott cu e festival.
Un fuente cu informacoin a conta cu Eilish a ser contrata como un di e evento su gran celebridadnan pa aña 2022. E edicion di aña 2020 tabatin Frank Ocean, Rage Against the Machine y Travis Scott como e 3 presentacionnan principal prome cu el a keda cancela pa motibonan relaciona cu COVID-19.
Frank a compromete su mes pa presenta na e festival den aña 2023 y Rage Against the Machine a reporta cu nan no lo participa den e aña aki su edicion, cual a laga 2 posicion habri hunto cu Travis Scott.
E prome posicion a ser yena pa Swedish House Mafia cual a anuncia nan regreso den e industria di musica algun luna pasa, y awo e di dos posicion a ser yena pa Billie Eilish.
Varios persona ta considera casi imposibel cu Travis Scott lo presenta riba escenario na Coachella na Indio, California den e luna di April, mirando cu e tabata den e centro di controversia recientemente, sinembargo no a haci ningun anuncio oficial tocante e status di e cantante y e festival.
