Despues di un siman salvahe den cual Bitcoin a eleva na halturanan nobo, Bitcoin a crusa e marca di $50mil trempan ayera.
Bitcoin a rally henter e rato mientras mas compania a señala cu e moneda digital volatil eventualmente por gana aceptacion amplio como un forma di pago pa bienes y servicio. Bitcoin tabata ser mira mas tanto como almacenahe di balor, manera oro, cu tiki luganan unda por gast’e.
Pero despues, dialuna ultimo, compania di auto electrico di Elon Musk, Tesla, a bisa cu a cumpra $1.5 biyon den Bitcoin como parti di un strategia di inversion nobo, y pronto lo acepta e cryptomoneda como forma di pago pa su autonan di luho.
Ainda no ta keda cla cuanto compania mayor lo sigui e stapnan di Tesla. Analistanan ta pronostica un evolucion slow den direccion di uso amplio di bitcoin pa paga pa bienes y servicio.
