Co-streanan di The Voice, Blake Shelton y Gwen Stefani ta comprometi, y a comparti e bon noticia riba rednan social.

Shelton y Stefani a post un potret diamars anunciando e compromiso entre e e strea di country y e cantante pop. “Hey @gwenstefani danki pa salba mi 2020… y resto di mi bida.. mi ta stima bo. Mi a tende un SI!” Shelton a skirbi.

Un representante di Shelton a confirma cu e pareha recientemente a keda comprometi mientras nan tabata na Oklahoma, unda Shelton ta biba.

E dos strea a conoce otro como miembronan di e show di competencia di cantamento añanan atras. Despues cu Shelton a divorcia Miranda Lambert y Stefani a divorcia su esposo Gavin Rossdale na 2015, e dos despues a cuminsa un relacion.

E par a graba dueto hunto, incluyendo ‘Nobody But You’, cual a caba di gana un CMT Music Award siman pasa.

 

LEAVE A REPLY

Please enter your comment!
Please enter your name here