Un rapport di Amnistia Internacional riba e situacion di derechonan humano na Bolivia durante e periodo ultimo, ta denuncia cu ta existi “impunidad” despues di “uso excesivo y no necesario” di forsa publico contra e protestanan cu tabata opone Jeanine Añez como presidente na november ultimo y cu a laga por lo menos 35 morto.

Tambe ta critica e persecucion pa defensor di derechonan humano y opositornan, e menasanan publico contra periodistanan, censura di libertad di opinion cu e pandemia como excuus, no proteccion di e pueblonan indigena y otro gruponan vulnerabel, tambe blokeo di careteranan cu a impedi e yegada di suministro pa hospitalnan.

E rapport, ta titula “Pa sana e pandemia di impunidad”, ta pidi pa e candidatonan di e eleccion Boliviano haci tur lo posibel pa e funcionamento di un Grupo Internacional di Expertonan Independiente -como e gabinete di Añez a acorda cu Comision Interamericano di Derechonan Humano (CIDH)- pa establece e berdad di loke a sucede y haya husticia pa e victimanan.

“E hechonan na Sacaba y Senkata no a wordo aclaria pa autoridadnan competente y ta permanece den impunidad”, ta un di e mas relevante conclusion di e rapport di Amnistia Internacional. Den luganan aki, cerca di e ciudad di Cochabamba y La Paz, 20 persona a muri pa tiro di arma di candela despues cu gobierno di Evo Morales a cay, na momento cu tabata manifesta contra di su substitucion pa esun di Añez.

E famianan di e victimanan di Sacaba a acusa e Forsa Arma di nan mortonan; a cambio, Fiscalia a defende e militarnan, nan a afirma cu e caliber di e proyectil cu normalmente nan ta usa no tabata coresponde. Di su banda, autoridadnan gubernamental a sugeri cu campesino a mata entre nan mes.

Di loke a pasa na Senkata, e version oficial ta cu e tropa a evita un “atentado terorista”, ya cu e manifestantenan tabatin e intencion di explota un planta di combustibel ubica na e luga aki. E bisiñanan cu a participa den e protesta a nenga esey y nan ta considera cu e version aki ta un strategia pa libera Forsa Arma y gabinete di nan responsabilidad.

 

 

LEAVE A REPLY

Please enter your comment!
Please enter your name here