Bolivia tin e presidencia di turno den conseho permanente di OEA desde diasabra ultimo, y a dicidi pa suspende e sesion extraordinario cu tabata convoca pa diabierna proximo tocante situacion di Venezuela. E sesion tabata solicita pa 20 pais miembro di OEA.
Embahadora di Peru na Organisacion di estado Americano OEA, Ana Rosa Valdivieso a splica esaki den un rueda di prensa.E diplomatico a bisa cu Diego Pary, cu ta presidente di e conseho y embahador di Bolivia na OEA a mustra disposicion pa papia tocante e convocatorio pa e reunion ey, cu ainda tin algun posibilidad pa keda fiha.
Vazquez a rechasa acusacion di Maduro
Di otra banda, presidente di Uruguay, Tabaré Vasquez a rechasa e acusacion di Nicolás Maduro, presidente di Venezuela, ora cu esaki a bisa cu Canciyeria di Uruguay ta coordina cu departamento di estado di Merca, pa asina tuma un posicion conhunto contra Venezuela.
Den un comunicado presidente di Uruguay a pidi Maduro pa trece prueba relaciona cu e denuncia cu el a presenta y “di lo contrario Maduro mester pidi disculpa publicamente”.
