Aruba a bin gradualmente cu un flexibilidad di e restriccionnan cu a wordo adopta como medidanan pa contraresta e cornonavirus/Covid-19. Mas tiendanan ta habri, a elimina ‘shelter in place’ y pronto medida di toque de queda tambe. Pero esaki no kiermen cu e bataya contra COVID-19 a caba.
Un ekipo consistiendo di bomberonan combina cu e tripulacion di Freewinds ta expande nan areanan di desinfecta cu D7. E ta e miho producto elabora na Merca pa realisa e trabou aki.
Recientemente nan a yega desinfecta Bethel Methodist Church, centro di test di COVID-19, Centro Ortopedagogico, Centro di SPD y Colegio Ceque.
E directora di Centro Ortopedagogico, sra. Dinia Abath a gradici e tripulacion di Freewinds y personal di bomberonan pa e trabou di desinfecta e edificio di Centro Ortopedagogico.
Tambe director di Colegio Ceque, sr. Shipley a yega di expresa palabra di danki na e team aki cu a yuda desinfecta e klasnan mustrando asina cu ta cumpli cu e protocol di DVG. Nan ta uza e metodologia di ataca e virus door di desinfecta espacio sigui pa educa y apodera nos comunidad pa biba bou di circunstancianan otro di loke nos tabata custumber. Of loke ta wordo yama e normal nobo.
Pa realisa un trabao mas efectivo di informacion y conscientisacion nan ta percura cu nos comunidad tin acceso na e buki: “How to keep yourself and others well.” Copia di e buki aki ta obtenibel na diferente establecimento comercial rond di nos isla, totalmente gratis y cortesia de Freeweinds.
Dr. Ramon Crespo kende ta dokter di Ciencia na Cuba y Advisor Clinico di World Health Organization a duna su comentario riba e buki aki: “E mensahe presenta den e buki aki, na un manera masha claro, ta wordo respalda pa ciencia. E ta duna nos un solucion practico y util con pa combati malesanan contagioso….”
E cientifico ta considera e buki como un documento universal, comprensivo y simpel, cu ta guia nos pa compronde e nificacion di un factor importante, esta prevencion. E buki, cu informacion adicional con pa mantene bo mes saludabel, ta online na
https://www.scientology.org/staywell
