Recientemente un delegacion den e deporte di mountain bike, cu e atletanan Ruson Gonzalez(elite), Elise Bossong (elite), Indy van Vliet (junior) y André Kock (pre junior) a biaha pa e Caribbean Mountain Bike Championships 2019 na Constanza, Republica Dominicana.
Durante e competencia, e delegacion Arubano a logra regresa cu varios medaya. Ruson Gonzalez a clasifica pa e final di eliminator race, unda el a logra termina den di cuater luga. Andre Kock a keda na di dos luga den e Cross Country race, categoria Cadetes B. 15-16 aña.
E veterano Gert van Vliet a sali na di 3 luga den categoria Master C. 50+ mientras Elise Bossong a sali na di 3er luga den Categoria women Elite sub 23.
Tambe nos ta haya Ruson Gonzales a sali na di 2 luga den categoria male elite sub 23, mientras Indy van Vliet a sali na di 6 luga den categoria jr 17-18 aña. E ultimo a haya fayo tecnico cu su bicicleta.
Stichting Sportsubsidie Aruba ta contento di por aporta y brinda e ayudo na e federacion di ciclismo, AWB pa asina nan atletanan di Mountain Bike por competi den e Caribbean Mountain Bike Championships 2019 na Constanza, Republica Dominicana.
