Siman pasa na Biblioteca Nacional Aruba, Fundacion Bon Nochi Drumi Dushi a presenta e buki ‘Superheroe di Storia’. Superheroe di Storia ta un buki skirbi pa 10 mucha di edadnan entre 5 pa 7 aña.

Prome Minister Evelyn Wever-Croes a keda masha impresiona cu e talento cu nos muchanan tin y realisa nan soño den un bunita obra. Wever-Croes a ricibi un copia di e buki for di e super escritornan y a pidi nan pa firma esaki, pa asina e por keda cu un bunita recuerdo di nan.

Wever-Crpes ta gradici Fundacion Bon Nochi Drumi Dushi pa e bunita proyecto di yuda nos muchanan lesa miho y curasha nan pa ta escritornan di nan mesun pensamento. Alabes, Wever-Croes ta curasha tur mayor pa stimula nan yiunan for di un edad tempran caba di nan bida pa lesa buki.

“Lesamento ta habri un mundo grandi pa nan, y por ta un fuente di inspiracion y aventura pa nan. No tin regalo mas bunita cu esey,” Wever-Croes a expresa.

 

LEAVE A REPLY

Please enter your comment!
Please enter your name here