Grupo humanitario SOS Mediterranee and Doctor Without Borders a rescata 50 migrante riba un boto flotante na e costa di Libia y a hiba nan den e barco humanitario, Ocean Viking.

Un periodista di AP abordo di e barco Ocean Viking a mira e rescate di un hende muhe na estado, 12 menor di edad y 37 hende homber. Tur ta di e sub-Saharan Africa. E rescate a tuma luga casi 26 km di Libia.

Autoridad di Libia ta responsabel pa buskeda y rescate den e area di Mediteraneo, pero nan no a reacciona na contacto haci pa Ocean Viking. Autoridad na Roma y Malta a referi Ocean Viking na Libia.

Un avion di Union Europeo di operacion Sophia tabata bula riba Ocean Viking y boto di pisca varios biaha prome cu hende a wordo rescata. Na Grecia, Prome Minister Kyriakos Mitsotakis a ser critica pa Presidente di Turkia, Recep Tayyip Erdogan, pa un declaracion cu el a haci siman pasa, den cual a pidi pa habri porta pa refugiado di Siria drenta Europa.

Mitsotakis a bisa den un conferencia di prensa na ciudad di Salonica, Nort di Grecia, cu Erdogan no por menasa Grecia y UE pa purba di haya mas placa pa deal cu migracion masivo y a agrega cu e bloc a duna 6 miyon Euro pa Turkia.

Mitsotakis tambe a critica pais di UE pa no haci su parti pa acepta refugiado, specialmente mucha sin acompañante. El a bisa cu si nan no por mustra solidaridad cu otro miembro di UE, nan mester bandona e area Schengen di movecion di hende liber.

 

LEAVE A REPLY

Please enter your comment!
Please enter your name here