Brasil: Cantidad di morto a aumenta na 99 y 259 persona desapareci

En number di morto despues di e catastrofe minero di diabierna pasa na Brasil a aumenta diaranson aki pa 99, mientras cu e autoridadnan ta continua cu e buskeda pa localisa e 259 persona cu te ainda ta desapareci, segun e balans ultimo cu e bomberonan a divulga ta bisa.

E vocero di e Cuerpo di Bomberonan di Minas Gerais, teniente Pedro Aihara, a informa den un conferencia di prensa cu e servicionan di rescate a logra recupera 15 curpa diaranson so, di e cual 10 a ser localisa den area di comedor di e compania Vale, e compania responsabel di e mina ora e desaster a ser produci.

Seis dia despues di loke ta considera como un di e tragedianan ambiental mas grandi di Brasil, e rescatistanan ta wak cada biaha menos posibilidad di haya sobrevivientenan. “Nos a determina cu 18 punto di buskeda riba e trayecto di e residuonan y no ta existi ni un area den e momento aki cu no ta conta cu ekiponan di buskeda y rescate”, Aihara a splica. E vocero a agrega cu aunke e 99 morto ta confirma, ‘mas curpa y segmento di curpa’ ta wordo haya y transporta cada biaha.

E tragedia a sucede den oranan di atardi di diabierna pasa na localidad di Brumadinho, municipio di estado di Minas Gerais, pa e kibramento di e mas grandi dam cu mina di hero Corrego do Feijao, den e cual Vale tabata almacena toneladanan di residuo mineral.

You May Also Like

Trump ta menasa mientras Tillerson ta purba crea colaboracion

Presidente Donald Trump siman pasa a menasa di corta ayudo na paisnan cu ta ...

Haiti: Fin di Cuerpo di Mantene Paz di Nacionnan Uni

Cu e fin di presencia di e cuerpo di paz di Nacionnan Uni na ...

Famia di periodista Salvador Adame lo solicita mas analisis di DNA

MEXICO (EconomiaHoy).-  Diamars  famia di periodista Salvador Adame, ken a ser haya pa autoridadnan ...

Venezuela: Exportacion di crudo pa Merca a cay te na cero

Importacion di crudo Venezolano na Merca a cay te na cero siman pasa, pa ...

Colombia: Golpi pa creciente red di ‘narco-bitcoin’

(ElTiempo) – Un bon parti di e creciente movimento na Colombia di bitcoin ta ...