Brasil: Husticia a acepta un denuncia nobo pa soborno contra ex-presidente Michel Temer

Un tribunal federal di Brasil a acepta diahuebs pasa un denuncia nobo pa asunto di corupcion contra e ex-presidente Michel Temer, ken a laga e poder dia 1 di januari, y siman pasa a ser deteni pa cuater dia segun orden di un hues.

Den e caso aki, e decision di e hues Rodrigo Bentemuller ta trata di un supuesto soborno di 500.000 real ( casi 128.000 dollar), cu a ricibi di un di su auxiliar, kende polis a detene na 2017 cu un maleta cu placa efectivo, cu tabata pa e ex-presidente, supuestamente.

Pa e caso aki, Fiscalia a yega di pidi e desafuero di Temer, cu e fin cu e lo por duna un contesta pa Husticia, pero esaki a ser nenga pa Congreso, cu cual e proceso por a wordo retoma unicamente unabes cu el a bandona e poder.

Siman pasa, ora e tabata deteni pa otro asunto cu ta coresponde pa corupcion, Temer a converti den e di dos presidente den historia di Brasil cu a pisa e prizon pa un caso cu vinculo di operacion Lava Jato, cu desde 2014 a investiga y condena un dozijn di politico y empresario.

Temer, cu awo tin 78 aña, tabata vice-presidente durante e gobierno di Dilma Rousseff y den e condicion ey el a substitui su poder na mei di 2016, unabes cu a cuminsa e proceso cu a termina cu e destitucion di Rousseff pa iregularidad fiscal.

 

You May Also Like

Venezuela: Banco Ruso sanciona ta asumi cuenta di Pdvsa

E empresa Russian Financial Corporation Bank (Rusfincorp) lo asumi supuestamente responsabilidad pa e cuentanan ...

Husticia chavista a nombra un vice fiscal nobo sin presencia di Fiscal General di Venezuela

Katherine Haringhton Padrón a wordo nombra pa Tribunal Supremo di Husticia como e vice-fiscal nobo ...

Proposicion di campamento di refugiado Venezolano formal na Colombia y Brasil

Den un encuentro cu exiliadonan Venezolano na Florida, unda tabata presente e secretario general ...

Banco Mundial ta mira crecemento economico excepto Venezuela

America Latino por saca probecho di un eventual conflicto comercial entre Estadonan Uni y ...

Autoridad a detene Venezolano riba vuelo di Corsou cu 40 mil Dollar

WILLEMSTAD – Recientemente un Venezolano cu a yega Trinidad and Tobago riba vuelo di Curaçao ...

Posibel demanda colectivo di damnificadonan na Mocoa

Despues di e avalancha na Mocoa, e damnificado y victimanan ta haci nan mes ...