Presidente Jair Bolsonaro a adverti cu e gobierno federal di Brasil lo mester rebaha su presupuesto na 2.500 miyon real (667 miyon dollar) e proximo siman, ya cu un crecemento economico debil ta sigui disminui ingreso di e pais Sur Americano.

‘Nos lo kier evita cu gobierno lo paralisa, ya cu nos presupuesto ta comprometi totalmente. Awor mester tin un recorte nobo. Loke mester sosode ta cu un recorte nobo di 2.500 miyon real,’ UOL a bisa citando Bolsonaro, kende a papia cu periodista afo di su oficial residencia.

Brasil su economia ta lucha pa sali di un recesion duro y e gobierno di Bolsonaro a concentra riba aproba den Congreso un plan pa reforma di e sistema di pension cu el a bisa lo mehora finanzas publico y lo reactiva crecemento.

Bolsonaro su comentario ta sugeri cu e recorte lo tuma luga ora e Ministerio di Economia publica su reporte fiscal mas reciente dialuna proximo, pa e cartera por adheri su mes na e norma fiscal.

Durante e proximo siman Brasil tabata spera cu por evita un ronda nobo di recorte pa e presupuesto, diahuebs pasa e hefe di gabinete di Bolsonaro a bisa, agregando cu tambe tabata spera anuncia medida di estimulo economico.

E prome reporte di kinsena di revision di gasto di e luna di mei di e gobierno di Bolsonaro a pidi un recorte di gasto di casi 30.000 miyon di real (8.000 miyon dollar), mientras cu na mei e gobierno a recore pa un reserva di 5.000 miyon real pa evita mas medida di austeridad.

 

LEAVE A REPLY

Please enter your comment!
Please enter your name here