Polis a inicia un investigacion pa un asesinato, despues cu a haya e curpa di e politico y empresario Albanes Festim Lato, cu a wordo recupera di un canal na Nijmegen. Lato di 43 aña di edad tabata e propio presidente no oficial di e republica di Chameria, cu ta keda na frontera di Grecia y tin un poblacion di alrededor di 40.000 hende.

For di 2015 e ta miembro di e Organisacion di Nacionnan y Pueblonan no representa. Lato a biba na Hulanda durante 25 aña, den un cas leu na Afferden, enter Nijmegen y Druten, De Gelderlander a informa.

Ta bisa cu el a laga un lastro di dudanan comercial y a ser declara bancarota pa e tribunal di districto na Zutphen dia 24 di april. Su morto a ser confirma pa prome presidente di Chameria, Angelo Aliu. Den un publicacion riba su pagina di Facebook, Alui cu su sede na Dortmund, a describi e morto di Lato como un asesinato y el a bisa cu e tabata ‘sorprendi’ pa e noticia.

E region di Cham di Albania ta pobla na gran parti pa Griegonan cu a yega despues di e segundo guera mundial. E politiconan di Chameria ta afirma cu e area a ser someti na un limpiesa etnico y disposicion di Albanesnan Chaman, kendenan tabata interna ora cu e guera a cuminsa entre Grecia y Italia na 1940.

Jeroen Zandberg, un diplomatico Hulandes cu ta traha cu UNPO, a bisa cu e rumornan ta cu Lato tabata involucra den negoshinan baho (shady business). “E tabata un homber encantador cu un lenga di plata. Semper tabata tin hende cu lo a persigui pa debenan. Mi a ricibi informacionnan di personanan cu ta bisa cu tabata estafador”. Polis a bisa cu nan ta kere cu Lato a muri como resultado di un crimen y cu nan ta realisando un investigacion tocante e circunstancianan di su morto.

 

 

LEAVE A REPLY

Please enter your comment!
Please enter your name here