(AP) – Ex-presidente Brasileño, Luiz Inacio Lula da Silva, kende ta campañando pa bolbe na e puesto cu el a ocupa entre 2003-2010, ayera a recibi e sosten di e moderado Andre Janones, kende tabata spera di anuncia su propio candidatura.
Da Silva, conoci comunmente como Lula, y Janones a haci e anuncio riba un transmision en bibo tiki prome cu nan tabata programa pa tene un conferencia di prensa na Sao Paulo.
Un ex-miembro di e Partido di Trahador di Da Silva, Janones a retira algun aña atras pa construi un plataforma politico mas modera y a usa rednan social pa yega na e Brasileñonan di menos recurso door di adresa problemanan financiero.
Su sosten por yuda pusha e ex-lider iskierdista mas cerca di un victoria contra Bolsonaro, sin necesidad di un segundo buelta. Da Silva actualmente ta lidera tur encuesta; e encuesta mas recien di Datafolha a mustr’e cu 47 porciento di sosten den e prome buelta dia 3 di october. Den contraste, e mesun encuesta ta mustra Janones cu 2 porciento di sosten.
Carlos Melo, profesor di ciencia politico na Universidad Insper na Sao Paulo, ta kere cu sosten di Janones por reforsa momentum pa Da Silva, ya cu e legislador ta e prome candidato presidencial pa termina su campaña pa sostene e ex-presidente.
Medionan di comunicacion Brasileño ta reportando cu otro potencial candidatonan cu cifranan abao den encuesta por haci mescos den proximo dianan.
