E aña aki, Brazil tin pensa di habri nan porta pa hende rond di mundo pa e weganan Olimpico 2016. Faltando casi 3 luna pa e weganan start, e pais ta enfrentando un serie di obstaculonan cu no tabata spera: e virus di Zika cual a ser conecta na un defecto di parto; un economia cu no ta stabiel lagando miles di hende sin trabao y hisando inflacion manera no tin mañan. No por lubida e crisis politico tambe cu actualmente a cuminsa bay for di man.
Aworaki, Presidente Dilma Rousseff porta mester bay retira pa motibo di tanto acusacion di mal maneho, cu awo ta pone hopi hende puntra nan mes,
E weganan Olimpico ta bay door? Segun e organisadornan di e International Olympic Comittee, e weganan no ta bay ser afecta mes di e crisis actual. IOC a bisa cu nan tin e situacion bao vigilancia, pero ta bisa cu e efectonan di un controversia manera esaki por wel di ta hopi minimo.
