Brazil Taekwondo Stichting su team ta cla pa e di 9 campeonato nacional na memoria di srta. Anashia Murray diasabra dia 3 di juni 2017 na Teresita Center na San Nicolas. Aaron Jacobs coach di Brazil Taekwondo Stichting ta sigur cu e team cu e ta preparando ta e team pa futuro, mirando e resultadonan di tur e campeonatonan cu Brazil Taekwondo Stichting ta participa.
No ta por nada e training duro ta wordo duna na e team. Nos kier sigura e atletanan cu bon training, duna door di trainernan cu sa kico ta training ariba un nivel halto. Nos meta awor aki ta pa focus ariba Korea, pasobra esaki no ta bay ta facil pa nos muchanan, pero nos sa cu nos por y cu nos lo bay ripiti aña 2015. E team a cambia un tiki pero no e meta. Nos team cu lo bay bringa pa e best team cup ta consisti di e siguiente 7 bringadonan: Danon Delamore, Zahyon Klabér, Hakeem Lowe, Rasheed Lowe, Lixjandra Bello, Dilon Brown y Nathan Fradl. Nos ta invita e pueblo di Aruba pa bin masalmente pa mira e muchanan di Aruba bringa contra di otro pa e best team cup
