Despues cu diadomingo nos a presencia un señor partido entre RCA y Britannia cu a culmina den forma dramatico diaranson ambos ekipo mester a lucha pa e titulo di campeon.
Mester bisa cu e wega riba su mes tabata basta pareu pero unda el a bay half 1 – 1. Despues di half ambos ekipo a lucha pa anota e gol pa bay ariba y aki nos por a mira un eror den e parti defensivo di RCA ta pone Jourinne Wester anota e gol bay ariba. Mas cu claro RCA a sali busca e empate mirando cu no tin mañan y aki den un contra atake Doornkamp ta anota e 3 – 1. Despues di 90 minuut Milly Henriquez ta anota e 3 – 2 pero contrario na diadomingo esaki no tabata tin mesun efecto.
Britannia ta titula campeon pa di 5 aña consecutivo. Aña pasa a gana Riverplate y awor RCA.
Pabien Britannia cu nan titulo y RCA cu nan di dos luga. Esaki ta segun e fuente 297 Sports.
