Play-off 2016/2017 di Division di futbol femenino di Arubaanse Voetbal Bond a continua cu e ultimo 2 weganan di e prome buelta. Den e prome wega RCA Damas a enfrenta Estudiantes RCA. Ambos team a busca pa gana pero na final RCA a bay cu e victoria di 5-3. Golnan pa RCA a wordo anota pa Daphne v/d Hoorn, Milvienne Henriquez 2 gol, Latisha Martha y Rachelle Henriquez, mientras cu pa Estudiantes RCA a anota Margenine Kock 2 gol y Lisandra Fradle.
Den e di dos wega di anochi Britannia a topa La Fama. Britannia a bay cu e victoria di 4-0 cu golnan anota pa S. Marie 2 gol, Zahira v/d Linde y S. Lise. La Fama no a logra anota gol aunke a haci nan esfuerso pa pasa e defensa di Britannia. Britannia ta termina na prome luga E prome rond a termina cu Britannia na prome luga cu 9 punto, RCA na di dos luga cu 6 punto, Estudiantes di tres luga cu 1 punto y La Fama na ultimo luga cu 1 punto
