Bunita recepcion di Aruba pa su Dia Nacional na Den Haag

DEN HAAG  – Recientemente a tuma luga un recepcion na Marriott hotel na Den Haag den cuadro di celebracion di Dia di Himno y Bandera di Aruba.

Aki ta unda cu minister plenipotenciario Guillfred Besaril y. Siglaine Besaril-Wever a ricibi diferente invitadonan, manera minister Plenipotenciario di Curaçao Anthony Begina, vice presidente di Raad van State Thom de Graaf y CEO di Schiphol Dick Benschop. Tambe un cantidad grandi di embahadornan di diferente pais Europeo y Latino America a duna acto di presencia na e recepcion di minister plenipotenciario Besaril pa cu Aruba su dia nacional.

Tambe presente tabata minister di Asuntonan Social y di Labor Glenbert Croes, cu ta na Hulanda pa un bishita di trabao y parlamentario Sueann Ras

Durante di su discurso minister Besaril a referi na su prome aña como representante di Aruba na Hulanda. ‘Durante e prome aña mi a haya un miho bista riba mi posicion y e importancia pa Aruba tin bon relacionnan internacional. Esaki sigur den bista cu e situacion na Inglatera cu e proceso di Brexit.’

E mandatario a elabora den su discurso na e hecho cu aña pasa a para keto na 35 aña di Arubahuis. E importancia di vision di nos lidernan di e tempo ey pa bin cu un representacion na Hulanda cu tabata parti di e lucha di Aruba pa su Status Aparte. ‘E celebracion aña pasa tabata un momento di reflexion riba e rol di Arubahuis. P’esey mi a pone como un prioridad grandi pa duna

atencion na tres cos. Na prome luga un renobacion completo di e edificio. Na di dos luga mas atencion na e organisacion. Por ultimo, pero hopi importante, pa estrecha e lasonan entre Aruba y Hulanda ainda mas,’ asina minister plenipotenciario Besaril a bisa.

Tambe e mandatario a menciona den su discurso e maneho di gobierno riba e tereno di innovacion. Un di e proyectonan na unda Arubahuis ta forma gran parti dje ta District 297. ‘Cu e plataforma aki nos ta desea na drenta den contacto cu Arubano bibando na Hulanda, sea nan ta studiante, entrepeneurs of profesionalnan pa mira na cua manera nan por contribui na e desaroyo di nan pais.’

Finalmente minister plenipotenciario Besaril a hisa e glas y a brinda hunto cu e invitadonan riba un futuro briyante pa Aruba. Durante di e recepcion e invitadonan a disfruta di musica di Aruba interpreta pa e trio cu a consisti di Xavier Geerman, Jaderick Croes y Jonathan Croes.

 

You May Also Like

Polis ta gara truck cu autonan horta danki na un gps tracker

Polis Hulandes a logra gara un truck cu autonan horta, danki na un gps ...

rtsbdhs-1-736x414.jpg

Obama a yega Cuba pa un visita historico

Barack Obama ta bira e prome presidente americano pa bishita Cuba desde 1928 mientras e ...

Hulanda: Casonan di cancer a duplica den e ultimo 30 añanan

AMSTERDAM – Un total di 116,000 persona na Hulanda a wordo diagnostica cu cancer ...

marinero.jpg

Marinero Mericano deteni pa Iran entrega bek safe

10 Marinero Mericano deteni pa Iran a wordo laga den libertad diaranson mainta trempan, ...

_91942240_ea9b5d7d-58d8-4951-86b6-934d5f027ae6.jpg

Desesperacion grandi na Haiti, 1.4 miyon hende mester ayudo

Cantidad di Haitiano disgusta y rabia a ataka trucknan di Nacionan Uni cu a ...