CAft: Implementacion di Protocol necesario pa finansa publico sostenibel

ORANJESTAD – Riba dia 22 november 2018 a keda acorda un protocol entre Aruba y Hulanda pa logra finansa publico sostenibel. E acuerdo ta cu lo mas rapido posibel lo realisa un surplus di minimo 1% di PIB (GDP) ariba e presupuesto. Di e forma aki lo reduci substancialmente e quota di debe, cual awor ta cerca di 90% di GDP.

E entradanan inespera pa e proximo añanan mester beneficia e reduccion di e deficit. E saneamento di e finansa publico mester por logra mediante di un reduccion substancial di gasto publico. E aña 2019 aki Aruba mester reduci e gastonan nominal di personal. P’esey ta importante pa modernisa e sistema di impuesto den di un manera firme. Esaki tambe lo duna un incentivo pa e economia.

Pa e presupuesto 2019, a keda acorda un deficit di -0,5% di e GDP. Debi na falta di informacion relevante y legalmente prescribi, Caft no por evalua si cu e presupuesto 2019 aproba, Aruba ta riba caminda pa un finansa publico sostenibel. E calculacionnan di impuesto y e fondo presupuestario temporal pa e plan di crisis social no ta suficientemente hustifica, cu ta haci cu e nivel di realidad di e presupuesto no por keda determina. Tambe ta falta un maneho general di dividendo, cu ta pone cu e ingresonan di e Sector Publico lo ta mas predicibel. Den pasado, cu demasiado frecuencia a inclui dividendonan halto, cu despues a resulta cu no tabata realistico.

Aruba den 2019 a cuminsa reforma e sistema di impuesto. Un plan di impuesto integral ainda no ta disponbel. Esey ta haci cu Caft no por determina con realistico e ingresonan di impuesto ta. CAft ta yama e gobierno pa den forma diligente elabora un plan, y indica con pa promove e eficiencia di e administracion di impuesto. Ademas, riba otro areanan tambe mester tin eficiencia den e aparato gubernamental. CAft ta desea di tin mas bista den e fondonan presupuestario di Aruba. Pa CAft no ta suficientemente cla unda ta gasta e fondonan ey, y cua ta e riesgonan di e fondonan pa e presupuesto di Aruba. Pa loke ta e presupuesto di aña 2019, CAft a haya e splicacion di e plan di crisis social provisional di e fondo presupuestario di Aruba insuficiente.

CAft a bishita Aruba den e ultimo dianan aki. Caft a realisa discusionnan cu e Gobernador, e ministro di finansas, asuntonan economico y di cultura y Conseho di Ministro. Ademas, CAft a haci un bishita na Banco Central y Conseho di Acesorio. Diahuebs, dia 14 di februari ultimo, e presidente di CAft, señor Raymond Gradus, a duna un charla publico bou e titulo ‘Riba caminda pa un finansa sostenibel’, den cual a splica e desaroyo di finansa publico na Aruba den un perspectiva economico. E charla a keda organisa cu colaboracion di Universidad di Aruba, y e presentacion di Powerpoint ta disponibel riba e pagina web di Caft: www.cft.cw.

 

You May Also Like

Aruba mester hues specialisa pa delincuencia hubenil

Stichting Reclassering a tuma nota di e plan di maneho nobo cu minister  di ...

5P3A0190.jpg

Dos homber arma a atraca y agredi persona na markthalen

Diabierna anochi na e markthalen cu tin pabou di ex DOW riba L.G Smith ...

Alerta riba sarampi importa

Departamento Salud Publico Publico (DVG) a alerta e sector medico pa nan ta atento ...

Delegacion di gobierno lo biaha pa Venezuela pa purba habri frontera maritimo

Recientemente prome minister a tuma e decision cu lo manda un delegacion di profesionalnan ...

Alberth Maduro: ‘Mester cuida nos beachnan, mantene limpi y trata e turista bon’

ORANJESTAD – Aruba ta conoci rond di mundo pa su cantidad di beachnan bunita, ...

Coney Island inspecciona pa di 7 biaha

Gobierno manera nos a bin ta raporta a schors e permiso di Coney Island ...