(NLTimes) – Prijs di petroleo a baha considerablemente dialuna despues cu Merca y Iran a stop e bombardeonan. Awor un bari di petroleo Brent ta costa poco mas di 81 euro, compara cu mas di 88 euro na final di siman pasa. Normalmente, e cambio den prijs di petroleo ta ser refleha den prijs di combustible na pompnan di gasolin algun dia despues.
Na mesun momento, e euro a fortalece cu 0.3% dilanti e dollar Mericano. Pasobra petroleo ta ser comercia den dollar, un dollar mas debil ta beneficia mercado Europeo y por contribui na prijs mas abao pa combustible.
Segun cifranan di UnitedConsumers, e prijs conseha pa gasolin, cu generalmente ta aplica na pompnan banda di caminda grandi, ta 2,634 euro pa liter dialuna. E record historico di 2,646 euro pa liter a ser registra na comienso di luna di mei, loke ta laga e prijs actual solamente 1,2 cen bao di e nivel ey.
Prijs di combustible a subi gradualmente desde cu e conflicto entre Merca y Iran a intensifica na final di februari.
Merca a stop e bombardeonan riba Iran diabierna despues di dos siman di atake. Iran a anuncia diadomingo cu e no lo tuma mas accion di represalia como contesta na e atakenan.
Siman pasa, expertonan tabata alerta cu e conflicto por crea problema pa comercio mundial y pusha prijs di petroleo mas halto, specialmente pasobra e opcionnan pa transporte maritimo tabata birando mas limita. Den Lama Cora, cerca di e paso strategico Bab el-Mandeb, rebeldenan Houthi di Yemen a ataca diferente barco cu tabata bishita hafnan na Saudi Arabia.
