Fiscal general di California a revela un investigacion andando riba e practica di privacidad di Facebook ayera, mientras a demanda e compania pa su continuo rechaso pa entrega documento y contesta pregunta.
Fiscal general Xavier Becerra a bisa cu su investigacion ta andando pa mas cu un aña. El a bisa cu ta revelando esaki awo pasobra su oficina tabata entrenando documentonan den corte pa forsa e compania pa cumpli cu citacion y peticion pa informacion. A entrega e demanda na e Corte Superior estatal na San Francisco.
E investigacion di California, un di un cantidad di investigacion legal y di regulacion riba Facebook, a cuminsa como contesta na e scandal di Cambridge Analytica y a crece den un investigacion riba si Facebook a mal representa su practica di privacidad, gaña usuarionan y viola ley di California.
E documento den corte a bisa cu Facebook no a contesta 19 di e preguntanan di fiscal general, y no a duna ningun documento nobo como contesta na seis peticion pa documento. E demanda tambe ta bisa cu Facebook a nenga di busca e emailnan di ehecutivonan top, Mark Zuckerberg y Sheryl Sandberg, manera e estado a pidi.
Oficina di Becerra ta bisa cu a pidi mas informacion despues cu Facebook a dura un aña pa responde na un citacion inicial. Investigadonan a busca comunicacion entre ehecutivonan riba acceso di desaroyadonan pa data di usuario, e relacion entre gasto di aviso y acceso na data, y e introduccion di caracteristicanan nobo y storianan relaciona cu privacidad. Oficialnan tambe a busca informacion riba e efectonan di setting di privacidad riba acceso di terceros na data y e cumplimento di Facebook cu su politicanan.
California no a uni un investigacion separa involucrando fiscal general di New York y otro estadonan. E investigacion na New York ta mirando e dominio di Facebook y e resultado di conducta anticompetitivo. California tambe ta den un investigacion separa riba e dominio di mercado di Goog.e
E cantidad di problema legal di Facebook ainda no a crea un impacto financiero significante riba e compania. Hasta e multa di $5 biyon di FTC, esun di mas grandi pa un compania tecnologico, tabata apenas un decimo parti di revenue di Facebook aña pasa.
