Den cuadro di eleccion di luna di september venidero, Camara di Comercio y Industria di Aruba (KvK) lo organisa dos debate electoral. E fecha di e debatenan lo ta 8 juni 2017 y 17 augustus 2017.

Directora di KvK, Sonja Velthuizen ta splica cu nan kier organisa dos debate pa asina brinda e oportunidad  pa debati riba mas topico. Tambe nan kier ofrece e oportunidad na e participantenan di e debate pa elabora riba tur e topiconan, entre nan situacion economico, turismo, educacion, asuntonan social, financia publico y criminalidad. E debatenan lo wordo transmiti en bibo via TeleAruba. Nan lo bin cu un panel independiente cu lo evalua e preguntanan.

Durante e debatenan lo tin un moderador cu lo dirigi e preguntanan riba e diferente topiconan¬†y brinda e oportunidad pa e lidernan of respective representantenan di e partido por debati. E¬†topiconan ta basa riba asuntonan importante pa pueblo di Aruba en general cu merece e¬†debido atencion.¬†‚ÄúCamara di Comercio ta haya importante pa e pueblo di Aruba por haya mas informacion¬†posibel pa haci un bon choice‚ÄĚ, e ta motiva.

E no por duna mas informacion pero den transcurso di e proximo simannan nan lo bin cu mas informacion tocante e moderado, ki partidonan politico nan ta bay invita y e sitio di e debatenan aki. KvK ta debatiendo tambe entre nan mes ki partidonan politico nan ta bay invita. Sra. Veldhuizen ta indica cu e tres partidonan representa den parlamento sigur nan lo wordo invita pa atende e debate aki.

E lidernan di e diferente partidonan politico di Aruba ta invita pa discuti varios topico¬†relevante pa un maneho gubernamental di Aruba pa e proximo gobernacion y a√Īanan cu ta¬†bin. E meta ta pa a base di un plataforma neutral brinda pueblo di Aruba e oportunidad pa por¬†sigui di cerca e debatenan unda topiconan critico ta wordo debati, asina e Camara di¬†Comercio ta enfatisa.

E publico presente y e televidentenan na cas por haci pregunta por medio di un panel independiente, di cual e moderador lo haya e preguntanan adicional pa haci na e politiconan via internet. E personanan interesa pa haya mas informacion tocante e debate aki por yama libremente na KvK.