E potretnan di e tubonan di awa den mal estado y frustia cu a wordo divulga via Facebook y cu a lanta hopi comentario, no ta na Aruba, sino di Corsou.
PR di WEB, Asja Dongen a haci e aclaracion aki na Bon Dia Aruba kende otro punto a laga sa cu aki na Aruba WEB no ta uza e cinta blauw cu nos ta mira riba e potretnan. Ademas riba un di e potretnan nos por wak un auto cu ta core cu un number di plachi di Corsou.
Bon Dia Aruba a puntr’e si WEB ta controla regularmente su sistema di tubo di suministro di awa di bebe pa no confronta e mesun situacion no higienico y peligroso aki pa salud di hende. Sra. Dongen a bisa cu nos compania estatal di produccion di awa y coriente tin un departamento specifico encarga cu e parti di mantencion di Aruba su red di tuberia di awa di bebe. E mantencion aki ta bay via un plan structural anual cu ta percura pa controla e estado di e red di tuberia pa reemplasa nan debidamente.
