Camara di Comercio no sa nada di camara binacional entre Aruba y Venezuela ni di ferry

Camara binacional.jpg

Den cuadro di e laso comercial entre Aruba y Venezuela a wordo anuncia un camara bi-nacional di cual Camara di Comercio di Aruba (KvK) , no sa nada di dje. Sinembargo luna pasa a bin un mision comercial for di Venezuela pa estrecha e lasonan comercial cu nos isla.

 

Presidente di KvK , Sra.  Daphne Lejuez,  a bisa cu pa e ta “totalmente honesto como  Camara di Comercio nos mes no a wordo acerca. Nos no ta envolvi y nos no sa niun informacion tocante esaki”.

E ta kere cu probablemente esaki ta algo cu di parti di Venezuela y di su  Camara di Comercio ta algo cu nan a bisa cu ta discutiendo cu gobierno. Pero nan como Camara di Comercio di Aruba, nan no ta na haltura di esaki.

 

Ferry

Igualmente sra. Lejuez a referi na e topico di un ferry cu supuestamente lo cubri e ruta entre Venezuela y Aruba, y tambe ta inclui otro islanan di nos reino Hulandes. El a bisa cu KvK lo desea cu lo tin un aclaracion riba e situacion di ferry, ya cu e topico aki a wordo menciona durante e acto oficial di reapertura di refineria na San Nicolas, opera pa Citgo.

 

El a bisa cu KvK a haci e pregunta varios biaha na Gobierno riba e operacion di e ferry aki dor di compania Venezolano, pero nan a haya semper como contesta cu esaki no ta bay tuma luga. “Diferente departamento encarga cu esaki  a keda bisa cu e no lo tuma luga. Pero sinembargo e partido Venezolano  a keda bisa cu si ta e caso”, el a bisa.

 

Mirando cu no tin claridad ainda riba e asunto di e ferry Venezolano, si e lo bin of no na Aruba,  KvK lo desea di haya mas informacion riba esaki di parti di gobierno di Aruba.

You May Also Like

DSC_6011.jpg

Homber gara cu droga na Airport a yega departamento di recherche for di tino

  Henter un un famia a wordo deteni na Airport diamars anochi. Esaki ta ...

Aruba ta den e top 10 destinacionnan Caribense

ORANJESTAD – Recientemente e oficina di Turismo Aruba (A.T.A.) a ricibi e grato noticia ...

5P3A01313.jpg

Stranheronan di barco chikito ta keda keda un problema riba dump

 Polis den siman a keda solicita pa presenta na dump na parkietenbos unda lo ...

peliger taxista femenino.jpg

Taxistanan femenino ta pidi mas proteccion y sistema pa defende nan mes

E gremio di taxista, particularmente e taxistanan femenino, tin temor pa realisa nan trabou ...