Cambio di clima ta hibando mas virus tropical pa Europa

Enfermedadnan cuasa pa virusnan cu normalmente ta bin di areanan tropico, ta ser mira mas y mas na paisnan Europeo. Ta trata aki di virusnan manera esun di dengue y chikungunya, cual ta ser transporta pa sangura.

Durante un congreso Europeo pa malesanan contagioso (ECCMID) cu a tuma luga na Amsterdam, cientificonan, dokternan y expertonan a duna advertencia riba e situacion aki. Na e congreso tin un total di 13500 dokter ta participa, procedente di 127 diferente pais

E combinacion di cambio di clima y e fluho di personanan entre paisnan Europeo, islanan den Caribe y Sur America, ta pone cu ta mirando un crecemento den casonan di virusnan tropical na Europa. Un biologo di Universidad di Wageningen a declara cu “e clima ta birando mas y mas faborabel pa e sanguranan cu normal no lo sobrevivi den klima friu”. E ta sigui splica cu e luganan cu ta mas afecta na e momento aki ta Spaña y Italia, “cual ta luganan cu nos ta gusta bay pa vakantie”.

 

E intencion ta pa yega na un programa combina, unda por minimalisa e risiconan pa henter Europa.

You May Also Like

e07f26cd508503f054ba7bdce5f280e219af619cf337b30f297dfe0da446853e_3743009.jpg

FBI ta perde speransa den caso di hijacking den aña 1970

DB Cooper, kende a bula di un Boeing 727 cu $200,000 , nunca a ...

image.jpg

Ukraine ta marca 30 aña desde desaster nuclear Chornobyl

Cu flornan, bela y lagrima, Uraine a marca nan 30 aniversario Diamars caminda nan ...

Pobreza a aumenta na 175 miyon di persona na Latino America

Pobresa a aumenta di 168 miyon  di hende pa 175 miyon n Latino America, ...