Amsterdam a hisa tarifa di parkeo, con e situacion ta na Aruba?

Entrante awe parkeo na e ciudad di Amsterdam ta conoce un subida di 2,50 euro pa un total di 7,50 euro pa ora. Cu esaki Amsterdam ta sigui di ta e ciudad mas caro pa para auto.

E subida di prijs di parkeo tabata un acuerdo cu e coalicion actual y e ta e prome subida den 8 aña. E intencion su tras ta pa hende haci mas uzo di transporte publico of pa haci mas uzo di e zonanan di P+R, cual ta keda un poco mas pafo di e ciudad.

Parkeo ta genera pa aña alrededor di 200 miyon di euro pa e ciudad di Amsterdam. Di e placa aki, mas o menos 32 miyon ta bay na e gastonan pa haci control. Gran parti di e sobra di placa ta wordo uza pa mehora infrastrcutura.

Aruba
Aki na Aruba tambe e tema di parkeo ta keda uno “delicado”. Desde introduccion di AruParking, tabata tin hopi argumento pro y contra, como tambe e tabata un punto di discusion durante campaña electoral.

Sinembargo te dia di awe no ta conoci kico e futuro lo ta pa parkeo na Aruba. Na inicio a haci uzo di fondo di ARUBUS pa pone e compania riba pia y te na e ultimo informacion cu nos matutino tin, esaki a draai den perdida solamente. Director di AruParking tambe a retira y a conoce varios cambio den e structura (kitamento di klem) y orario cu ta controla.

Kico exactamente ta e situacion di Aruparking no ta conoci. E lo keda? E lo wordo kita? Con lo haci cu e parti financiero? Ta yega momento pa gobierno di Aruba, specialmente e Minister di Transporte, sali y splica e situacion real y bisa kico lo bay haci cu e compania di AruParking.

You May Also Like

pensioen

Decision na Corsou ta haci cu Arubianonan ta haya 10% menos na pensioen AOV

Un cambio di ley aproba na juni na Corsou tin consecuencianan grandi pa un ...

Ainda gobierno no por duna update riba status di Citgo Aruba

Gobierno ta spera di por duna mas informacion riba e desaroyo di Citgo Aruba ...

‘Lo bay parlamento pa informa riba negoshi di tereno di escala hopi grandi’

Den despedida di gobierno anterior, cantidad di tereno den area di naturalesa a keda ...

cancelacion pa motibo di Zika

Pareha Mericano miedo di Zika, a cancela trip Aruba riba conseho di dokter

Un pareha bibando na Philadelphia a cancela nan trip pa Aruba pa motibo di ...

Buskeda nacional pa mucha perdi a wordo re-activa

Cuerpo Policial ta informa cu KPA conhuntamente cu Marina Real a re-activa e buskeda ...