Canciyer di Venezuela, a haya malcontento den Mercosur

nota 1 venezuela.jpg

E canciyer Venezolano Delcy Rodriguez a anuncia esaki caba prome cu el a sucede. Rodriguez a bisa cu den caso cu nan no lag’ e drenta den reunion di Mercosur cu nan tabata realisa den edificio di canciyer di Argentina, e ta bay purba pa drenta di cualkier manera. “Si nan ta cera e porta nos ta drenta pa bentana’, manera presidente Maduro a bisa. “Venezuela no mester invitacion pasobra Venezuela tin e puesto di presidencia pro tempore di Mercosur.”

 

Sin embargo e plan cu Delcy Rodriguez tabatin no a funciona, pasobra el a logra drenta den e reunion unda tur otro canciyer tabata, pero nan no a duna Rodriguez bonbini. Funcionarionan di Latino America ((José Serra di Brasil, Eladio Loizaga di Paraguay y Rodolfo Nin Novoa di Uruguay) a bandona e lugar inmediatamente.

 

E problema a cuminsa desde momento cu e canciyer di Venezuela a yega, y cu nan a purba drenta e edificio. Venezuela no tabatin invitacion pa participa den e reunion aki, pasobra Venezuela a ser suspendi di Mercosur.

 

Entre hopi hende cu ta apoya gobierno di Maduro na Venezuela y dilanti di hopi polis di Argentina e canciyer Rodriguez a ser pusha y a denuncia cu el a haya hopi

 

golpi di banda di agente cu tabata na e lugar. Mas laat presidente Maduro, cu ta na Cuba, a bisa cu Rodriguez tin un fractura na su clavicula.

 

Ayera Argentina a asumi e presidencia di Mercosur durante e siguiente 6 luna den un reunion, unda canciyer di cuatro pais cu a funda Mercosur a acorda pa inicia un dialogo directo entre tur parti presente, cu e obhetivo di duna un solucion na e situacion di Venezuela, pais cu ta actualmente suspendi di Mercosur pa motibo di no cumpli cu nan acuerdo y normanan.

 

Awor Caracas mester negocia di nobo tur termino y condicion cu Mercosur ta exigi pa yega na condicion di miembro, si Caracas kier drenta atrobe den Mercosur.

 

You May Also Like

yiu y mama morto

Mama y yiu muhe (16) haya morto bou cas Lelystad

Polis a haya e curpanan di un mama y su yiu muhe di 16 ...

Guatemala: ta kibra acuerdo cu ONU pa trabao di Cicig

Presidente di Guatemala, Jimmy Morales, ta considera e acuerdo entre su gobierno y Organisacion ...

56a150c81f00007f00216732.jpeg

Alerta pa Merca cu tormenta di winter

Merca ta riba alerta pa un tormenta cu lo causa hopi caida di sneeuw ...

Candela na un scol na Malaysia: 21 mucha morto

21 mucha y 2 adulto a perde nan bida den un candela cu a ...

image.jpeg

Hecho: humamento y falta din ehercicio ta causa mesun tanto morto mundialmente

– hende cu ta desayuna y cena regularmente den Restaurant ta dobel nan chens ...