Ocho persona di nacionalidad Colombiano a keda deteni na Spaña, momento cu nan a purba horta 5 supuesto narcotraficante di region di Galicia, kendenan a ser deteni tambe, Ministerio di Interior di Spaña a informa.
Hende di Colombia a traha un cita cu e supuesto narco na localidad di Galicia conoci como Sada, pa duna nan e droga. E operacion tabata un trampa, pasobra e obhetivo di e grupo Colombiano tabata pa horta e placa cu e grupo di narco di Galicia tabatin
cu nan pa haci e compra di droga, segun e comunicado. E intencion a ser confirma pasobra polis di Spaña a haya ‘pasamontaña’ (bivakmuts) y herment na momento cu polis a detene tur hende na e lugar. E comunicado a bisa cu nan tabata purba di secuestra e grupo di Gallego y pa asina por horta tur e placa cu nan tabatin pa haci e negoshi.
Danki na e operacion entre polis y Guardia Civil nan a detene 13 persona den e poblacion di Oleiros, entre Sada y La Coruña.
E Ministerio di Interior di Spaña a resalta e peligro grandi cu e organisacion criminal aki ta representa, pasobra nan ta sospechoso di delito similar na Islanan Canarias, Madrid, Galicia y Hulanda. Na Hulanda nan a participa den tiramento y secuestro cu organisacion rival.
