Candela a destrui un compleho arkeologico cu tabata tin mural mas bieu di America

Un candela a kima un mural di 2000 aña di antiguedad y hunto cu e mural aki tambe a kima otro pida di un compleho arkeologico na noord di Peru, Walter Alva Director di museo Tumbas Reales di Sipan a informa.

Ami a haya un noticia lamentabel tocante un candela cu a destrui e monumento arkeologico di Ventarron”, Alva a informa riba un comunicado.

Segun e arkeologo, Ventarron ta un representacion di arkitectura antiguo di noord di Peru, cu tabatin e pintura mas antiguo di America.

E candela a cuminsa ayera atardi, y el a bay cu algun pochi di ceramica, mural di mas di 2000 aña di antiguedad y tambe informacion documental cu tabata propiedad di e compleho arkeologico Ventarron na Pomalca, na region di Lambayeque.

E candela a cuminsa pa motibo un grupo di trahado di empresa Pomalca a cuminsa kima un tereno, caminda tabatin un cultivo di caña di sucu.

“Nos ta perde un monumento excepcional y unico riba su genero. Mi ta spera cu lo cuminsa un investigacion y asina haya sa cua hende ta responsabel di suceso aki. Ami kier mustra mi sentimento hopi tristo y di indignacion pa e perdida cu nos a registra aki”, Alva a bisa.

Bombero a sigura cu e suceso ta controla awor na un 95%. Fiscalia ta riba zona ey y eynan nan ta evalua tur responsabilidad pa grupo administrado di empresa Pomalca.

Den un comunicado, ministerio di Cultura di Peru a condena tur atake contra patrimonio cultural y el a solicita na fiscalia pa cuminsa tur investigacion riba e suceso di candela cu a produci na compleho di Peru.

El a bisa tambe cu e personal tecnico specialisa den conservacion di monumento, a move pa zona di Ventarron, pa asina evalua e daño cu candela a laga na luga ey.

E luga arkeologico Vetarron ta un luga cu mas di 4500 aña di antiguedad y ta na banda oost di e cero Ventarron.

You May Also Like

Texas: Bida largo di prizon pa chauffeur di truck cu ilegal di Mexico

James Bradley Jr., e homber cu a conduci e truck den cual tabatin inmigrante ...

Represion chavista a causa 5 morto y 538 deteni den dos siman di protesta

Despues di e fuerte control di forsa di siguridad di gobierno durante e manifestacionnan, ...

18 luna di prizon preventivo pa gobernador di Callao den caso Odebrecht

Un hues Peruano a ordena prizon preventivo durante 18 luna pa gobernador di region ...

Trump ta menasa Congreso: ‘si no tin muraya no tin frontera’

E presidente di Merca, Donald Trump, a afirma ayera cu lo bay forsa su ...

Situacion ta grave: “sakeo y tension na isla St. Martin despues di horcan Irma”

E sakeo ta un problema grave na St. Maarten, specificamente riba e parti Hulandes. ...

Mexico: Gobernador di Puebla ta muri den accidente aereo

Direccion General di  Aeronautica Civil a forma un ekipo internacional cu lo ta encarga ...