Diamars pa 6:30 mainta centro di alarma ta keda informa cu tin un candela na e di cuater piso di Aruba Beach Club. Di biaha a despacha unidadnan di bombero, polis y ambulance pa e sitio. Na yegada di e prome unidad di bombero cu a yega a constata cu no ta un camber pero e tower unda e parti di lift ta, y e dak ta loke a pega na candela. Bomberonan di biaha a drenta accion y asina combati candela, y polisnan a logra evacua turistanan cerca di e candela. Ambulance tambe tabata presente pa ta standby. Tur cos tabata bou control despues cu bomberonan a yega te riba di e dak y asina haci un inspeccion completo.
