candela seaport (2).JPG

Diabierna madruga a drenta informe di cu lo tin un candela den Seaport Casino, mesora a dirigi 2 unidad di brandweer pa e sitio. Na yegada di e brandweer a bin compronde cu trahadornan den e casino y algun bishitante tabata keha di holor di huma den e lugar pero nan no tabata mira e candela. 

 
Ora e trahadornan a sali pafo a tuma nota cu tabata tin huma saliendo for di riba e dak y mes ora a bati alarma, yamando 911. 
 
Mes ora nan a evacua full e casino, tanto bishitante y empleadonan mester sali pafo. Mirando cu net den e grupo di unda e lusnan flourescent tabata e coriente a bay a lanta e sospecho cu aki lo por ta un kortsluiting na e ballast pero esaki ta poni na un sitio no facil pa yega.
 
 Brandweer mester a pasa via e dak pa yega na e problema. Cu permiso di e gerencia di e casino nan a corta parti di e dak pa asina logra paga e candela.