(TMZ) – Aaron Carter su morto a bini cu un situacion caotico dentro di su cas na Los Angeles ora cu su empleado a ser scucha ta grita riba telefon cu emergencia despues di a descubri su curpa.
E operador di 911 a bisa den e audio cu unidadnan di bombero y paramedico tabata necesario na Aaron su cas despues cu un muhe a yama “gritando” y a haci un referencia na e baño.”
Pa ora cu paramediconan a yega na e escena, Aaron ya caba tabata morto. Autoridadnan no a publica un causa oficial pa su morto, sinembargo e autoridadnan a conta TMZ cu cuerpo policial lo haci un buskeda profundo den su uso di droga den pasado.
Investigadornan a ser mira ta saca Aaron su curpa for di e cas y hincando esaki dentro di un truck yama “Coroner.” TMZ a publica anteriormente e fayecimento di Aaron Carter, despues cu cuerpo policial a responde na su cas na Lancaster despues di a ricibi un yamada di 911 diasabra cu un hende homber a hoga den baño.
Aaron su pareha, Melanie Carter, a expresa na TMZ “Mi pareha Aaron Carter a fayece. Mi ta stima Aaron cu henter mi curason y e lo ta un desafio pa cria nos yiu sin su tata. Mi ta pidi respet na e privacidad di mi famia mientras cu nos ta lidia cu e perdida di un persona cu nos ta stima. Te ainda nos ta den e proceso di acepta e perdida aki. Boso pensamentonan y oracionnan ta grandemente aprecia.”
Aaron a subi fama den fin di aña 1990 como cantante di genero Pop, lansando 4 album cuminsando cu e album di su debut den aña 1997 tempo cu e tabatin solamente 9 aña di edad.
