Algun luna pasa Proskuneo NL a lansa su prome EP titula “The One”. Esaki seguramente tabata di gran bendicion pa hopi hende.
Y awor Proskuneo NL ta cla pa nan di dos EP cual lo ser lansa dia 26 di october 2022. Un EP cu cancionnan cu lo trece goso, pas y speransa pa cada uno. Cancionnan cu diferente ritmonan gososo manera ritmo combina, zouk, bolero, salsa y zouk.
E prome cancion titula “Hesus” a ser composita y aregla pa Chanté Richardson y Wilmar Mook y interpreta pa Chanté Richardson.
E di dos cancion titula “Speransa” a ser composita pa pastor Chesron Richardson, aregla dor di Wilmar Mook, interpretá pa Chanté Richardson y pastor Chesron Richardson. E di tres cancion a ser composita y interpreta pa Solange Pietersz Camelia y ta titula “Poderoso Dios”. E cancion a ser aregla door di Jeanine Richardson. E ultimo cancion titula “Su binida” ta uno cual a ser composita y aregla pa Clifton Hariquez y intrepetá pa pastor Chesron Richardson.
E EP aki siguramente lo ta uno diferente y cu lo ta di gran bendicion pa un y tur. Esaki nan lo ta cancionnan cu lo trece pas den tormenta, speransa caminda no tin speransa y goso caminda tin tristesa. Esaki ta nos conviccion y oracion.
Proskuneo NL su meta ta pa sigui halsa e Rey y Salbador Cristo Hesus traves di musica.
Pa keda na altura di e lansamento di e EP binidero titula “SPERANSA” y otro cancionnan bo por bishita nos pagina social di instagram (proskuneonl), Facebook (proskuneonl y Howhulanda). y tambe Youtube: How Hulanda.
Pa pregunta of mas informacion por tuma contacto cu nos via nos e-mail adres: Proskuneonl@gmail.com of na nos number di telefon: +31 6 1319 54 98.
