(AP) – R. Kelly, e celebridad conoci pa su gran hit “I Believe I Can Fly,” a keda sentencia riba dialuna den e huicio pa caso di trafico sexual, despues di decada largo scapando di responsabilidad criminal pa e gran cantidad di acusacionnan di mal conducta cu hende muhe y muchanan.

Un hurado di 7 homber y 5 muhe a haya Kelly, di 54 aña di edad, culpabel pa tur 9 acusacion, incluyendo crimen organisa, riba nan di dos dia di deliberacion. Kelly, bistiendo un tapaboca, a keda sin palabra, cu su mirada abao mientras cu e veredicto tabata ser lesa den corte federal na Brooklyn.

Fiscalnan a alega cu e grupo di managernan a yuda Kelly yega na e muhenan aki, y mantene nan obediente y keto, ta loke a crea un empresa criminal. Dos hende a keda acusa y sentencia conhuntamente cu Kelly den un caso federal separa cu ta pendiente na Chicago.

Kelly tambe a keda haya culpabel di delitonan criminal cu ta acusa su persona di a viola e Mann Act, cual ta haci ilegal e hecho di transporta un persona na otro estado pa “propositonan inmoral.”

“Na e victimanan di e caso aki, boso stem a keda scucha y a ehecuta husticia,” abogado di Merca, Jacquelyn Kasulis a bisa.

Peter Fitzhugh, un agente di Homeland Security Investigations a comenta cu e veredicto ta trece un final na e poder di Kelly cu tin decada ta controla e bida di tur e victimanan, causando teror den nan.

Kelly ta enfrentando te hasta 20 aña den prison. E sentencia ta planea pa dia 4 di mei.

Kelly su abogado, Deveraux Cannick tabata desapunta cu e veredicto.

“Mi ta kere mi ta hopi mas desapunta cu e gobierno cu a trece e caso aki dilanti, te hasta mirando tur e elementonan cu no tabata consistente,” Cannick a bisa.

Varios diferente victima a testigua den detaye durante e huicio, acusando Kelly di a somete nan na actonan perverso y dañino tempo cu nan tabata menor di edad.

 

LEAVE A REPLY

Please enter your comment!
Please enter your name here