FILE - The Instagram app is displayed on a computer on Aug. 23, 2019, in New York. Instagram is putting a pause on its Instagram Kids platform, geared towards children under 13, so it can address concerns about accessibility and content. Adam Mosseri, the head of Instagram, wrote in a blog post Monday, Sept. 27, 2021 that this will allow the company time to “work with parents, experts, policymakers and regulators, to listen to their concerns, and to demonstrate the value and importance of this project for younger teens online today.” (AP Photo/Jenny Kane, file)

(AP) – Facebook a pone un pausa na e desaroyo di un version di Instagram pa mucha, enfoca riba muchanan menor di 13 aña, pa adresa preocupacion cu a bin dilanti riba e vulnerabilidad di usuarionan jong.

“Ainda mi ta kere firmemente cu ta algo bon pa crea un version di Instagram cu ta diseña pa ta safe pa ‘tweens’, pero nos kier tuma e tempo pa papia cu mayornan y investigadornan y expertonan di seguridad pa haya mas consenso riba con pa bay dilanti”, segun Adam Mosseri, cabesante di Instagram, a bisa den un entrevista ayera den e programa ‘Today’ riba NBC.

E anuncio ta sigui un serie investigativo di The Wall Street Journal cu a reporta cu Facebook tabata na altura cu uso di Instagram pa algun adolescente femenino a conduci na problemanan di salud mental y ansiedad.

Y toch e desaroyo di Instagram pa un audiencia mas hoben a ser ricibi cu oposicion amplio casi inmeidatamente. Facebook a anuncia e desaroyo di un app Instagram Kids na maart, bisando e tempo aya cu tabata ‘explorando un experiencia controla pa mayornan’. Dos luna despues, un grupo bipartisano di 44 Procurador General a skirbi na CEO di Facebook, Mark Zuckerberg, urgiendo e pa bandona e proyecto, citando e bienestar di muchanan.
Nan a cita aumento di termento cibernetico (‘cyberbullying’), posible vulnerabilidad na predadornan online, y loke nan a yama e ‘record dudoso’ di Facebook den protege mucha riba su plataformanan.

Facebook a enfrenta critica similar na 2017, tempo cu a anuncia su app Messenger Kids, presenta como un forma pa muchanan interactua cu miembronan di famia y amigonan aproba pa e mayornan.

Josh Golin, director ehecutivo di grupo di defensa digital pa mucha, Fairplay, a urgi e compania dialuna pa permanentemente caba cu e app. Igual cu un grupo di congresista Democrata. “Facebook ta scuchando nos yamada pa stop di continua cu plan pa lansa un version di Instagram pa mucha”, Sen. Ed Markey, di Massachusetts, a tweet. “Pero un ‘pausa’ no ta suficiente. Facebook mester bandona e proyecto aki completamente.”

Senado ya tabatin un audiencia planea diahuebs cu cabesante di seguridad global di Facebook, Antigone Davis, pa adresa loke e compania sa riba con Instagram ta afecta e salud mental di usuarionan hoben.

Mosseri a insisti dialuna cu e compania ta kere cu ta miho pa muchanan bao 13 aña di edad tin un plataforma specifico pa contenido apropia pa nan edad, y cu otro compania manera TikTok y YouTube tin version pa e grupo aki. El a bisa den un blog post cu ta miho pa tin un version di Instagram unda mayornan por supervisa y controla nan experiencia na luga di depende riba e habilidad di e compania pa verifica cu muchanan ta suficiente grandi pa usa e app.

Mosseri a bisa cu Instagram pa mucha ta pa esnan di edad 10 pa 12, no mas chikito. E lo rekeri permiso di mayornan pa join, no ta bay tin aviso, y ta bay inclui contenido y caracteristicanan apropia pa nan edad. Mayornan ta bay por supervisa e tempo cu nan yiunan ta pasa riba e app, supervisa ken por manda mensahe y sigui nan, y ken e mucha por sigui.

Mientras a pausa e trabao riba Instagram Kids, e compania ta bay expande hermentanan di supervision di mayor opcional pa cuentanan adolescente di esnan di 13 aña di edad bay ariba. Mas detaye riba e hermentanan aki ta bay keda revela den proximo lunanan, segun Mosseri.

Esaki no ta prome biaha cu Facebook ta ricibi critica pa un producto enfoca riba mucha. Expertonan di desaroyo infantil a urgi e compania pa shut down su app Messenger Kids na 2018, bisando cu no ta respondiendo na un ‘necesidad’ manera Facebook a insisti, sino creando uno. Den e caso aki, Facebook a bay door cu e app.

 

LEAVE A REPLY

Please enter your comment!
Please enter your name here