(AP) — Cantante Escoces, Tom Walker a elogia e habilidad pa toca piano di Dukesa di Cambridge, Catherine, despues cu e par a graba un cantica di Pasco transmiti durante un concierto.
Walker, di 30 aña di edad, a interpreta un cantica nobo, ‘For Those Who Can’t Be Here’ (Pa Esnan Cu No Por T’aki), compaña pa Catherine, di 39 aña di edad, tocando piano den un segmento pre-graba mustra durante e concierto transmiti riba ITV riba diabierna.
Walker a bisa cu el a tene e presentacion un secreto – hasta pa su mama. “E tabata den yoramento mirando television”, el a bisa BBC. “Tabata bunita.”
Walker a presenta na un evento caritativo dilanti di e dukesa, y ora a puntr’e pa canta na e servicio di cantica di Pasco, el a ofrece pa canta un cantica cu publico no a scucha ainda. “Pues mi a mand’e na e team y nan a keda encanta cune, y despues un siman despues nan a bin back y bisa, ‘Um, lo ta bon si e dukesa toca hunto cu bo?’”, el a recorda. “Y mi tabata manera, ‘kico?’”
E par a ensaya durante algun siman. “El a logra asina bon, realmente no ta facil di bay pa toca sin otro musiconan durante como dies aña pa bula aden cu henter un banda cu bo nunca a yega di conoce y camaranan sacando toma na Westminster Abbey, pues mi ta kere cu el a bay asina bon”, el a bisa. “E ta un musico hopi talentoso.”
Dukesa Catherine y su esposo, Prins William, a dirigi e programa ‘Royal Carols: Together at Christmas.” E evento na Westminster Abbey tabata presencia pa esnan cu a pasa tempo cu Catherine y William durante nan eventonan recien.
Walker a yega na fama despues di lansamento di su single, ‘Leave a Light On’ na juni 2018.
