Cantante y docente Tommy Croes a fayece

Tommy Croes

E Arubiano popular Tommy Croes, conoci entre otro di e banda ‘Cryptus Confessions’ y tambe ‘Grupo di Betico’, a fayece ayera alrededor di 1or di merdia na Aruba. Tommy tabata tin algun tempo caba ta lucha cu su salud y den e ultimo dianan e tabata den cuido intensivo.

Tommy kende ta un di e rumannan di Betico Croes, tabata conoci pa entre otro e cancion popular ‘Paranda Arubiano’ cual e la canta cu ‘Grupo di Betico’. Ademas di cantante, e tabata un docente pa hopi aña y desde ayera por a nota riba rednan social cu e tabata hopi stima tambe pa su ex alumnonan. Banda di e ex alumnonan aki, amigonan y familiarnan tambe a expresa nan palabranan di forsa pa e familiarnan mas cerca.

Pa medio di nan pagina di Facebook, ‘Grupo di Betico’ a bisa: “E voz di nos musica tradicional a bay sosega awe merdia…. Mo Tommy…. Nos ta hopi agradecido na bo cu bo a brinda nos bo tremendo voz. Un voz cu Tata Todopoderoso a regala bo, pero bo a comparti esaki cu bo pueblo y cu hopi den exterior… Nos lo haya bo falta hopi mes. Until we meet again mo Tommy.”

You May Also Like

Partidonan den coalicion a firma acuerdo di gobernacion

Ayera rondona cu cantidad di simpatisantenan, amigonan y familiarnan na Hooiberg, partidonan MEP, POR ...

Hobennan ta hopi activo riba social media den carnaval

Temporada di carnaval a cuminsa y FADA conhuntamente cu Telefon Pa Hubentud (TpH), Departamento ...

Aparato pa graba zonido di bayena ta bek ariba

E ‘Marine Autonomous Recording Unit’ di graba zonido di bayena a wordo recogi y ...

4aprLW maltrata (1).JPG

Dokter specialista a wordo maltrata y menasa cu arma di candela

Diasabra anochi Polis a bay un cas na Savaneta, caminda un homber lo a ...

12Fo AutoKima.jpg

OM: Ainda investigacion ta andando

Ministerio Publico no tabatin mucho pa bisa den e caso di persona y auto ...

Chupitoz Shotbar preparando pa habri na Palm Beach

Empleadonan di Ex-Señor Frogs ta bon bini pa join e team.