Segun e resumen di ayera di DVG pa loke ta casonan di coronavirus riba nos isla, por a nota cu e cantidad di caso activo a baha.
Ayera a registra 56 caso nobo di Covid-10, pa un tasa di positivo di 25% (positive rate). Di esakinan, 3 no ta residente. E total di casonan activo awo ta 1,195, compara cu 1,212 e dia anterior.
Ademas, 75 persona a recupera.
DVG a informa tambe cu ayera a realisa 519, y di esakinan, 379 a ser haci entre residentenan na laboratorio di hospital.
E cantidad di fayecido a keda na 25.
Ademas hospital a informa tocante e cantidad di hospitalisacion, cu tin 45 persona interna. Di esakinan, 10 ta den unidad di cuido intensivo, mientras 35 ta isola riba piso general.
