Na Thessaloniki, un tormenta violento a causa cu 7 persona a perde nan bida. E ultimo curpa a ser haya na lama den e area afecta, un piscado den e costa cu a disparce, anto awo a wordo identifica.

E piscado, di 62 aña di edad, a sali for di su boto diaranson atardi tiki prome cu e tormenta y a perde for di e momento ey. Pa anochi e tormenta violento a kibra toren electrico y palo di mata, tambe afectando auto.

Estado a declara emergencia na e region di e ciudad di Thessaloniki ,cu ta popular cerca turista den temporada di vakantie. Vocero di gobierno, Stelios Petsas, a bisa cu 23 persona ainda ta na hospital. Un muhe den estado critico, mientras cu 6 di e persona cu a muri ta turista.

Dos di nan a muri pa motibo di biento fuerte cu a dal nan auto y a destrui esaki. Otro ta un mama y su yiu di 8 aña di edad, kendenan a muri ora cu dak di un restaurant a cay riba nan. E otro dos a fayece pa palo di mata cu a cay riba nan.

E 80% di area afecta a perde energia, ta trahando pa drecha esaki. Departamento di Bombero a bisa cu a ricibi mas di 1200 yamada pa asistencia. Prome Minister, Kyriakos Mitsotakis a nombra Minister di Ordo Publico, Michalis Chrisochoidis, como cabesante di esfuerso urgente.

E tormenta tambe a afecta otro ciudadnan cerca manera Macedonia, cu a bay cu mesun efecto, sinembargo no a raporta herido. E centro nacional di maneho di crisis a bisa cu e area mas afecta ta e region di Prespa, cerca frontera di Grecia.

 

LEAVE A REPLY

Please enter your comment!
Please enter your name here