Agentenan di FBI a invadi e isla priva propiedad di Jeffrey Epstein dialuna pasa, un indicacion cu e investigacion den e caso di su circulo di trafico sexual ta continua a pesar di su morto.

Un grupo grandi di agente federal a ser mira ta bay den diferente direccion riba e isla den auto di golf mainta banda di 10L30 am na Little St. James, un isla chikito cerca di e isla Mericano St Thomas na US Virgin Islands, cu Epstein a cumpra na 1998.

“Net nos ta purba wak pisca bunita y landa cu e turtuganan, y ata nos memey di un invasion di FBI,” Kelly Quinn, doño di Salty Dog Day Sails ta bisa, cu tabatin un charter di boto di bela den e area. “Esaki tabata riba nos radar pa varios aña caba; nos tabata curioso caba pakico ta te awor e ta sucediendo,” Quinn a añadi.

Dos oficial experimenta a confirma cu FBI a lansa un buskeda riba Epstein su isla priva. E buskeda tabata den man di e task force forma pa e caso Epstein, dirigi pa oficina di Fiscal di Southern District di New York, e oficialnan a bisa. Un Vocero na e despacho a nenga di duna comentario.

Un fuente den aparato hudicial a bisa cu e buskeda di Epstein su cas y su isla priva tabata sugeri pa varios aña caba, pero evidentemente nunca a tuma luga.

Epstein a cumpra e isla pintoresco aki cerca di costa di St Thomas pa 7,95 miyon dollar na 1998. El a crea un area residencial di 24.000 pia cuadra, dos piscina, un spa y un structura straño cu strepi blauw cu tabata obheto di fascinacion online continuamente.

 

LEAVE A REPLY

Please enter your comment!
Please enter your name here