E grupo organisador di e famoso casita di luz na Seroe Preto a haya un sorpresa amargo awe mainta na momento cu a bay habri e lugar pa drecha y haci limpi. Un scenario desagradabel caminda cu no solamente a horta pero tambe destrui diferente trabou cu e grupo aki a haci.
Locual cu a keda horta ta entre otro caha di cerbez, mayonaise, paki di hotdog y un television di 32 inch. Tur esaki a sosode entre orario di 2.35am y 4.37am. Segun comentario di un persona riba Facebook, e lo a wak e persona aki rond di 1’or di marduga ta haci algun movecion sospechoso den e area. E caso aki ta uno lamentabel ja cu e grupo organisador ta haci esaki boluntariamente. Tur gasto ta bin di nan mes un saco y ta depende puramente riba benta di bar y cushina pa recobra e placa aki. E casita di luz di Seroe Preto ta un atraccion anual tanto pa nos hendenan local y tambe turista.
Cualkier informacion cu bo persona por tin riba e caso aki, no duda den tuma contacto cu Cuerpo Policial di Aruba.
