(Infobae) – Agencia di consultoria ta señala cu a pesar di expectativa di mehoramento, idea pa laga e pais ta keda presente, un situacion cu por profundisa decapitalisacion di mercado laboral nacional.

Un estudio di firma di consultoria Anova ta indica cu, a pesar di mehoramento den expectativanan economico, 4,48% di poblacion adulto di Venezuela ta expresa un deseo persistente pa emigra, y di e total ey casi tres di cada dies ta bisa cu nan tin un plan concreto pa bandona e pais. Esaki por representa un menasa pa progreso di proceso di reconstruccion nacional.

“Den Venezuela di awe, riesgo di un perdida constante di talento ta predomina, algo cu, si no ser frena, por pone viabilidad di cualkier caminda pa futuro recuperacion den peliger. Si salida di tur esnan cu awe ta expresa deseo pa emigra bira realidad, e sistema productivo lo sufri un perdida neto di 8,75 miyon aña di educacion, ekivalente na 5,05% di capital humano acumula den e pais,” e firma lidera pa economista Omar Zambrano a bisa den su rapport.

E analisis ta calcula cu poblacion den edad pa traha — entre 15 y 64 aña — ta yega na 18,4 miyon persona, cu 52,2% di nan entre 25 y 50 aña. Poblacion cu tin empleo lo ta na 9,34 miyon trahado, pa un tasa di 50,7%. Teniendo na cuenta e nivel di formacion, nan ta calcula cu “e oferta aki ta representa un reserva di capital humano di 95,14 miyon aña di educacion y mas cu 222 miyon aña di experiencia potencial di trabao.”

Segun datonan di Anova, “entre e poblacion adulto di 19,87 miyon persona, 4,48%, cu ta 889.702 persona, ta expresa deseo pa emigra. Di e total aki, 28,02% tin un plan concreto pa e proximo 12 luna. Na nivel nacional, esaki ta nifica cu 1,25% di e total di poblacion adulto, alrededor di 249.268 persona, ta den fase di planeamento activo pa migra den corto plazo, un posible perdida di capital humano cu ta menasa pa prolonga decapitalisacion di mercado laboral local.”

Crisis largo

Venezuela a sufri un di e exodonan mas grandi den historia di e region. Oficina di Alto Comisionado di Nacionnan Uni pa Refugiadonan ta indica cu “alrededor di 7,9 miyon persona a bandona Venezuela” durante ultimo dies aña, marca pa un emergencia humanitario compleho den e pais.

Anova ta recorda cu entre 2015 y 2021, “collapse di salario real y hiperinflacion a destrui incentivonan pa retene talento y a causa cu 4,1 miyon persona den edad pa traha a sali di e mercado laboral.”

“E contraccion aki a causa perdida di 55,3 miyon aña di educacion acumula, destruccion di 97,8 miyon aña di experiencia laboral, un caida di 34%, y un reduccion den talento califica, cu 27,4% menos den educacion superior y 29% menos den educacion secundario, ekivalente na 2 miyon profesional y tecnico. Como resultado, promedio di añanan di educacion di trahado activo a baha for di 11,1 aña na 2015 pa 9,5 aña na 2021,” nan ta indica.

E firma di consultoria ta enfatisa cu promedio di nivel educativo di esnan cu tin plan pa emigra ta mas halto, cu 12,05 aña, compara cu poblacion nacional, cu tin un promedio di 10,49 aña, y esnan cu kier laga e pais pero no tin un proyecto concreto, cu tin un promedio di 11,31 aña.

“E patronchi cu e resultadonan aki ta revela ta indica cu un ola nobo di migracion probablemente lo causa perdidanan desproporciona den reserva di capital humano, pasobra e ta concentra den adultonan cu tin un nivel educativo mas halto,” nan ta splica.

Anova ta argumenta cu “si salida di tur persona cu deseo pa emigra bira realidad, e aparato productivo nacional lo sufri un perdida neto di 8,75 miyon aña di educacion, 5,05% di e total acumula, un perdida cu lo reduci aun mas capacidadnan productivo di e pais y cu lo afecta velocidad di recuperacion economico den proximo añanan.”