Casi mil hoben ta cana nan so rond Caracas

E crisis economico di e pais a haci e problema mas grave, y no ta existi ningun programa pa atende cu e hobennan.

Thairen Arenas, un muhe di 39 aña, desemplea y sin estudio, tin dos aña bibando riba caya cu 2 di su 4 yiu, y ta conta cu algun dia nan ta haya hopi ‘bendicion’ den forma di cuminda, y otro dianan, mester ‘recicla’. ‘Recicla’ ta nifica busca resto di cuminda na restaurant, y tambe pidi placa. Durante un ‘reciclahe’, un persona ta dun’e un pida pan mordi. E ta reparti esaki entre cinco mucha chikito.

E menornan no acompaña ta un problema grave cu ta biba den sombra di falta di politica. No tin cifranan oficial, ni di e muchanan ni di e adultonan. Un estudio di e NGO Cecodap – cu ta traha pa preveni violencia y ta promove bon trato pa mucha – presenta e luna aki, a revela cu mas cu 690 mucha tabata core rond den tres di e cinco municipio di Caracas, principalmente banda di e Guaire.

E organisacionnan cu ta traha pa defensa di derechonan di mucha y adolescente, ta señala cu, na medida cu e crisis economico ta avansa, e presencia, no solo di mucha sino awo famia completo, a bira mas notorio. Pa mira nan pidi na supermercado, panaderia, restaurant, of cobando den saco di sushi a bira un marca cotidiano den Venezuela na 2018. Un aña cu hiperinflacion, unda e cantidad di hogar den pobresa a crece di 46% pa 48%, segun calculonan di e Encuesta de Condiciones de Vida del Venezolano (Encovi), realisa pa tres universidad di e pais.

E motibonan pa biba pafo, sinembargo, a cambia. E problema di e muchanan aki – cu 20 aña pasa, durante un campaña electoral, Hugo Chavez a priminti di eradica a pena di kita su nomber – a bira pio. Awo, e menornan di edad ta bandona nan cas y laga scol pa tuma cargo di nan mes, y den algun caso, di nan rumannan. Un famia Venezolano ta rekeri 40 salario minimo pa luna pa por paga un canasta basico, cual a bira 122% mas caro di october pa november, locual ta splica cu pa 94% di e poblacion, e ingresonan no ta suficiente pa come, segun Encovi.

Recurso insuficiente

Te aña pasa, mas di 5mil mucha tabata biba den institucionnan di cuido na Venezuela, mayoria di nan priva y tambe afecta pa e kiebro economico y social. E cuponan ta insuficiente pa un poblacion cu ta keda aumenta hunto cu e crisis den e pais, segun e activistanan. Ademas, e sistema publico di proteccion infantil ta paralisa pa falta di ingreso den e alcaldianan cu mester a duna sosten, y pa e emigracion, cu a laga nan sin personal.

E estudio di Cecodap ta referi cu e institucionnan cu mester tuma cargo di e infancia na Caracas ta den ‘ceramento tecnico’ pa falta di recurso financiero y humano. Den e caso di muchanan riba caya, e desproteccion ta mas pa motibo di falta di programanan especifico. “E programanan mester ta competitivo pa un mucha bandona caya, unda lamentablemente nan ta haya mas, aunke nan ta core hopi mas riesgo”, Villasmil ta enfatisa. “Si e estado no ta ni capaz di provee un alimentacion adecua den e centronan di atencion, e muchanan aki nunca ta bay sali di e cayanan.”

 

You May Also Like

Spaña a detene 30 container cu carni for di Brasil

Spaña a mobilisa preventivamente pa analisa 30 container di carni cu a yega for ...

Haiti e unico pais den Caribe y America Latino cu mester ayudo alimentario

(IciHaiti) – Di acuerdo cu e mas reciente edicion di e informe  “Crop Prospects ...

ONU a registra mas di 50 mil arma di FARC

Presidente di Colombia Juan Manuel Santos a informa cu tin  mas di 50.000 arma ...

Nicaragua: ta ataca secretario general Almagro di OEA

Gobierno di presidente Daniel Ortega, a traves di su canciyeria a ataca diaranson pasa ...

Papiamento ta wordo neglisha na nivel di reino?

Manera nos partner den noticia Caribisch Netwerk ta bin ta reporta, e situacion di ...

Hues ta ordena ministro di ta testigo den caso di desaparcion di submarino

E hues di Caleta Olivia, a cargo di e investigacion di e desaparicion di ...