Bolivia: Hefe di Polis suspendi pa opinion despreciabel di feminicidio

Un Alto Hefe di Polis di Bolivia a keda suspendi di su funcionnan despues di atribui e causa di e feminicidio pa e conducta  di e muhenan, e declaracionnan a causa indignacion na opinion publico.

“E Comandante General di Polis di Bolivia a dispone e inmediato destitucion di e Hefe Policial, kende lo mester asumi su responsabilidad di manera individual”, un informacion cu a ser conoci den un comunicado diabierna pasa, cu ta aclara cu e hefe suspendi di su funcion no ta refleha e posicion institucional di e Polis Boliviano.

Victor Hugo Soria, cu te awo tabata e director di e Forsa Especial di Lucha contra Violencia (FELCV) tabata bisa: “E feminicidio generalmente ta presenta pa exceso di consumo di bebida alcoholico, y tambe pa via di e muhe cu tin dobel bida, e ta sali cu su casa y tin otro homber.”

E opinion tabata relaciona cu e caso reciente di feminicidio, den cual un homber a hinca su casa 33 biaha cu un cuchiu, y e yiu muhe di dje cu tabata busca ayudo pa su mama a keda herida.

“Nos a lamenta e despreciabel declaracionnan di e coronel Soria. Nos lo bay busca un perfil adecua, e poblacion lo tin e certesa di cu nos ta busca e miho cuadro policial”, un autoridad policial a sigura.

E palabranan di e hefe policial a ser rechasa na medionan di comunicacion y rednan social pa via di cuestionamento p’e y pa e institucion policial, pa su eroneo concepcion di violencia di genero.

Segun medionan local, Bolivia a registra e aña aki un total di 136 feminicidio, contra 109 na 2017. E delito aki ta sanciona cu un castigo di 30 di prizon.

 

You May Also Like

Riba solicitud di Merca, a detene na Spaña un ex-vice ministro di Hugo Chavez

Ex-vice ministro di energia electrico di gobierno di Hugo Chavez, Nervis Villalobos a keda ...

Cuba: Poco animo pa eleccion cu resultado conoci di antemano

Cuba ta dilanti un cambio generacional den gobierno den circunstancia dificil  y cu un ...

Oposicion Venezolano lo continua cu protesta di caya pa presiona gobierno di Maduro

(InfoBae).- Despues di dos luna cu oposicion a dicidi di suspende protesta y cuminsa ...

Colombia kier prepara pa colapso inminente di Venezuela

Ministro di Finanzas di Colombia, Mauricio Cárdenas, a anticipa diarason pasa riba e colapso ...

16-03-24_PDVSA.jpg

Jamaica: Ta ofrece pa cumpra Pdvsa su 49% den refineria na Jamaica

(JamaicaGleaner) – Jamaica a haci un oferta formal pa cumpra e participacion di 49% ...

Venezuela: Citgo ta aclara cu ‘negoshi ta sigui’

E compania Mericano propiedad di Pdvsa, Citgo Petroleum Corporation, a traves di un comunicado ...