Ayera diaranson den oranan di mainta a keda conoci e detencion di otro persona sospechoso pa loke tin di haci cu e caso Avestruz.
Segun informacion confirma pa Ministerio Publico ta trata di F.F.A, un persona cu ta conoci como ex-director di Directie Infrastructur en Planning algun tempo atras.
E caso Avestruz ta referi na diferente investigacion cu Landsrecherche bao guia di hues-comisario den cooperacion cu Cuerpo Policial di Aruba y RST (Recherche Samenwerkingsteam), den cuadro di un investigacion di Landsrecherche di delitonan di corupcion posiblemente cometi rond di entrega di terenonan di gobierno entre 2009 y 2017.
Den caso Avestruz, tambe ta investigando e posibel rol di un ex-minister, ta dirigi riba e pregunta si companianan a haya derecho di erfpacht a base incorecto.
Tambe a keda conoci cu Ninosca Nuñez cu ta casa di Gaby Werleman y ken tambe tabata deteni como sospechoso den caso aki a keda liber ayera diaranson.
Leoncita Arends tambe a presenta na Landsrecherche ayera y despues el a subi back den e van den direccion pa KIA, diabierna awor e lo mester presenta dilanti hues comisario pa dicidi si su detencion ta wordo prolonga un biaha mas.
