Ciudadanonan den area di San Nicolas ta purbando via di corte pa forsa Ministerio Publico (OM) pa haci un investigacion di asbest cu a wordo dera den un forma ilicito den cura di refineria. Bon Dia Aruba na varios ocasion a trece dilanti e tipo di practicanan aki y ta mustra cu nada ta wordo haci di parti e departamentonan concerni.
Inicialmente un veredicto lo mester a keda cla dialuna cu a pasa, unda lo a trece claridad si OM ta haye obliga di haci un investigacion pa e acto aki. E unico caminda oficial cu tin mag di deshaci di asbest ta na e dump di Parkieten Bos.
E asbest aki ta procedente di tempo cu Valero tabata opera e refineria. Aunke cu gobierno e tempo ey a obliga e compania den haci esaki limpi, a bolbe dump esaki riba un otro tereno, na un forma ilegal, pega cu casnan na Fort Heuvelstraat.
Hues encarga cu e asunto aki a opta den no duna un veredicto ainda sino mas bien programa un zitting pa dia 11 di november ya cu e ta haya e caso aki uno grave.
Bon Dia Aruba lo sigui e caso aki di cerca y lo sigui informa nos lectornan debidamente.
